လူကုန်ကူးမှု တားဆီးကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ် မြန်မာနိုင်ငံရဲတပ်ဖွဲ့၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့သည် ပြည်သူများ လူကုန်ကူးခံရမှု အန္တရာယ်မှ ကင်းဝေးစေရန်အတွက် စဉ်ဆ
လူကုန်ကူးမှု တားဆီးကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ်
မြန်မာနိုင်ငံရဲတပ်ဖွဲ့၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့သည် ပြည်သူများ လူကုန်ကူးခံရမှု အန္တရာယ်မှ ကင်းဝေးစေရန်အတွက် စဉ်ဆက်မပြတ်ကြိုးပမ်းဆောင်ရွက်လျက်ရှိပြီး ပြည်သူများအား လူကုန်ကူးမှုနှင့်ပတ်သက်၍ ဆောင်ရန်/ရှောင်ရန်များ၊ ပြောင်းလဲဖြစ်ပေါ်နေသည့် လူကုန်ကူးမှု ဖြစ်စဉ်များကို သိရှိစေရန် အသိပညာပေးခြင်းများ ဆောင်ရွက်လျက်ရှိရာ အမှတ်(၆)လူကုန်ကူးမှု တားဆီးနှိမ်နင်းရေးရဲတပ်ဖွဲ့စု(ရန်ကုန်)သည် အလုပ်သမားညွှန်ကြားမှုဦးစီးဌာနနှင့်ပူးပေါင်း၍ ၂၀၁၆ ခုနှစ်၊ မတ်လ ၂၉ ရက်နေ့ နံနက် ၁၀ နာရီမှ မွန်းတည့် ၁၂ နာရီအချိန်ထိ ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)ရှိ ပင်လုံခန်းမ၌ ကျင်းပပြုလုပ်သည့် လူကုန်ကူးမှုတားဆီးကာကွယ်ရေး အသိပညာပေးဟောပြောပွဲတွင် ပြည်ပသို့မထွက်ခွာမီ လုပ်ငန်းခွင်အကြိုသင်တန်းအမှတ်စဉ် (၄၃/၂၀၁၆)တွင် တက်ရောက်နေသော သင်တန်းသားများအား အမှတ်(၆)လူကုန်ကူးမှုတားဆီး နှိမ်နင်းရေးရဲတပ်ဖွဲ့စု(ရန်ကုန်)မှ ရဲအုပ် ကျော်သူအောင် က လူကုန်ကူးမှု/လူမှောင်ခိုမှုဆိုင်ရာ အကြောင်းအရာများ၊ ရွှေ့ပြောင်းသွားလာလုပ်ကိုင်ခြင်းနှင့်ပတ်သက်၍ တွေ့ကြုံနိုင်သည့်အခက်အခဲများ၊ တရားမဝင် ရွှေ့ပြောင်းသွားလာမှုကြောင့် ဖြစ်ပေါ်လာနိုင်သည့် လူကုန်ကူးမှု အန္တရာယ်နှင့် ဆိုးကျိုးများ၊ ရွှေ့ပြောင်းသွားလာလုပ်ကိုင်ရာတွင် ဆောင်ရန်/ရှောင်ရန်အချက်များ၊ မြန်မာနိုင်ငံ၏ လူကုန်ကူးမှုတားဆီးကာကွယ်ရေးဆောင်ရွက်ချက်များ၊ လူကုန်ကူးမှုဥပဒေနှင့် ပြစ်ဒဏ်များ၊ မြန်မာနိုင်ငံတွင်ဖြစ်ပေါ်နေသည့် လူကုန်ကူးမှုပုံစံများ၊ လူကုန်ကူးသူများအသုံးပြုသည့် နည်းလမ်း များအား အသိပညာပေးဟောပြောခဲ့ပြီး တက်ရောက်လာသည့် သင်တန်းသား/သူ(၂၉၅)ဦးတို့အား ပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိသည်။