မြန်မာနိုင်ငံရဲတပ်ဖွဲ့ ရဲချုပ် ဒုတိယရဲဗိုလ်ချုပ်ကြီး အောင်ဝင်းဦးအား သြစတြေးလျ ပြည်ထောင်စု ရဲအဖွဲ့ (AFP) အကြီးတန်း ဆက်ဆံရေးအရာရှိ မှ လာရောက်တွေ့ဆုံ နေပြည်တော်၊ ဇွန် ၅ မြန်မာနိုင်ငံရဲတပ်ဖွ
မြန်မာနိုင်ငံရဲတပ်ဖွဲ့ ရဲချုပ် ဒုတိယရဲဗိုလ်ချုပ်ကြီး အောင်ဝင်းဦးအား သြစတြေးလျ ပြည်ထောင်စု ရဲအဖွဲ့ (AFP) အကြီးတန်း ဆက်ဆံရေးအရာရှိ မှ လာရောက်တွေ့ဆုံ
နေပြည်တော်၊ ဇွန် ၅
မြန်မာနိုင်ငံရဲတပ်ဖွဲ့ရဲချုပ် ဒုတိယရဲဗိုလ်ချုပ်ကြီး အောင်ဝင်းဦး ဦးဆောင်သည့် အဖွဲ့အား ဇွန်လ ၅ ရက်နေ့ နံနက် ၁၁ နာရီတွင် သြစတြေးလျပြည်ထောင်စုရဲအဖွဲ့(AFP) အကြီးတန်း ဆက်ဆံရေးအရာရှိ Mr Jared Taggart မှ ရဲချုပ် ဧည့်ခန်းမ၌ လာရောက်တွေ့ဆုံခဲ့သည်။ ထိုသို့တွေ့ဆုံရာတွင် မူးယစ်ဆေးဝါး နှင့်မိုင်းအနံ့ခံရှာဖွေစစ်ဆေးရေးခွေးသင်တန်းကျောင်းကို မြန်မာနိုင်ငံတွင်ဖွင့်လှစ်နိုင်ရေး၊ DNA ၊ ဓာတုဗေဒစစ်ဆေးမှုနှင့် Cyber စစ်ဆေးမှုနည်း ပညာအဆင့် မြှင့်တင်နိုင်ရေး၊ ရေကြောင်းရဲတပ်ဖွဲ့အတွက် ရေယာဉ်များအကူအညီရရှိနိုင်ရေး၊ တရားဥပဒေ စိုးမိုးရေးနှင့်ပတ်သက်၍ နှစ်နိုင်ငံပူးပေါင်း ဆောင်ရွက်မည့်ကိစ္စရပ်များအား ရင်းနှီးပွင့်လင်းစွာ ဆွေးနွေးခဲ့ကြကြောင်းနှင့် အဆိုပါတွေ့ဆုံပွဲသို့ မြန်မာနိုင်ငံရဲတပ်ဖွဲ့မှ အရာရှိကြီးများ တက်ရောက်ခဲ့ ကြောင်း သတင်းရရှိသည်။